Bisi sekali siko indu tama ngagai siti kedai ti nyual intan belian ti besai. Datai dia, iya lalu meda intan belian ka bisi di pandang ka ba cermin ba kedai nya. Leboh iya ka meda bala intan belian dia, iya bisi tepeda ka siti gelang belian ka manah endar. Iya pan lalu kia ngansak deka meda semak agi serta deka nguji ka gelangnya ba diri empu. Leboh iya ka mungkok ka diri deka meda gelang nya semak agi, dia iya enda mukai-mukai tak tekentut.
Malu endar ga tudah indu tu tadi, dia iya lalu ngaga eksen, lalu malik ka belakang meda engka ka bisi orang meda iya kentut. Chun endar ga, tak bisi siko orang ka nyaga kedainya tak bisi bediri ba semak iya dia.
Jurujualnya pan lalu nanya iya, “Selamat pagi ibu. Kati ulih aku nulong nuan?” Ko iya
Dalam ati indu tu tadi, ‘arap-arap meh jurujual tu nadai ninga kentut aku nya tadi’ Dia iya lalu eksen nanya jurujual nya, “Tuan, berapa rega gelang belian ka manah endar tu?”
Jurujualnya lalu nyaut iya, “Ibu, enti nuan nyau tekentut meda pemanah gelangnya, nuan deka tebira-bira enti aku madah ka nuan rega iya lagi…”
Comments
Post a Comment